I wünsch mir

 

Was sein denn des für Sachn, de i da wieder hear?

De Leit schaugn nur auf des, was teier isch und wer

die neieschten Klamotten tragt und mitm tollschten Auto flitzt

dass ma Prominente kennt und wichtig in an Aufsichtsrat sitzt

 

Des Geld soll klingeln mehr und mehr, ma isch ja schließlich wer

zum zoagn, dass ma a wer isch, muas iatz a neue Sauna her,

im Gartn no an Swimmingpool, an eignen Kinosaal

man lebt in High-Society und fahrt auf Urlaub 3,4 Mal

 

I wünsch mir nur Zufriedenheit, des zu genießen was i hab

I wünsch mir die Dankbarkeit, danke sagen können jeden Tag.

 

Unglaublich isch a was ma im Fernsehn so sendet

Man wird von „Schönheit“ und Schlankheitswahn geblendet

Modells mit 90-60-90 live on-air,

neuer Busen, neue Lippen, nur so bisch du irgendwer.

 

Ein teures Collier mit viel Gold und Diamanten

Ein Kleid von Armani, da staunen die Bekannten.

In der Loge mit dem Bundeskanzler am Opernball

immer wieder bei den Seitenblicken mit viel Blitzlicht überall.

 

I wünsch mir nur viel Gesundheit meine Kinder wachsen zu sehn,

und weiter ohne große Beschwerden mit meinen Lieben durchs Leben zu gehn.

 

I wünsch mir nur viel Zeit mit eich, Ausflüge und manch Abenteuer,

de mir gemeinsam genießen kennen, ohne nur von oan Termin zum anderen zu rennen.

 

Schon wieder fliagn Raketen über feindliches Land

de wean wohl bald aufgeben, des isch doch allerhand,

dass de sich ausgerechnet gegen die Mächtigen stelln,

drum Tod und Terror für den Feind, des isch des was sie alle welln.

 

I wünsch mir nur Frieden, in der Familie Harmonie

statt Neid und Streit aufeinander schaun, Gelassenheit, Gemeinschaft und Vertraun.

 

Des Telefon klingelt, wer ischn da wieder dran?

Mit dir da red i sowieso nit und wenn du willsch i kann

mein Anwalt glei anruafn, der klagt di wos lei geht

dann wea ma dann schu segn, wer vu ins am Ende besser dasteht .

 

I wünsch mir nur feine Gespräche mit dir über Gott und die Welt

Nit schnorcheln sondern tief zu tauchen und reden können, dann wenn mas brauchen.

 

I wünsch mir, dass i no Wünsche hab, nit zuagedeckt von Ruhm und Geld,

meine Familie und Freunde im Zentrum und die Augen weit offen für des, was wirklich zählt.